我們又來海洋公園慶祝恆仔生日了。
不過今年跟往年不同,今年我們三人行,一人買票,三個人玩,更抵!
南港島線去年通車,我們還是第一次坐,果然比轉巴士方便得多,最起碼免卻香港仔隧道塞車之苦。
我地到喇!等其他乘客走晒之後影番張相先。
海洋公園站有好多魚魚。
逸bb點解你咁既表情?
排隊買票的人好多,雖然恆仔生日免費,我的票又早已在中旅社付款,但仍要排隊換票,最後排了一個小時,逸bb也由精神奕奕變呆呆了。等候的過程中落了一場大雨,灑一灑水清涼了不少。
終於入場喇,鐘意玩水的逸bb見到噴水池好開心。
每年暑假,海洋公園都會舉行夏水禮,出發之前我和恆仔都討論過俾唔俾逸逸玩水,要唔要幫她帶泳衣和游水尿片,結果只是帶了替換衣服,真的玩得盡興的話就由底換到面喇。
唔知係咪逸逸已經有D眼瞓,玩起水上黎又沒有特別興奮~
點都係沙雕前影下相
下一站我們去看樹熊和袋鼠,想不到原來看動物前要先在黑暗的環境看一段短片,幸好逸逸只是有一點兒緊張,沒有被嚇親,看來我們可以找機會帶她去看電影了。
小樹熊逸逸安靜地觀賞樹熊
之後我們帶差不多眼瞓到極點的逸逸去玩她人生的第一個機動遊戲 – 環迴水世界,她都是表現呆呆的,是時候要睡覺了。
我們乘吊車到高峰樂園吃午餐,在吊車上我們終於可以享受一下二人世界浪漫下。
去企鵝餐廳攞左飛之後,我們先去看企鵝,逸逸一進入寒冷的企鵝館就醒來了。
我一向好鐘意企鵝,估唔到逸逸都對企鵝好有興趣。
因為今次見到的企鵝超級活躍,好可愛呀﹗
吃午餐喇﹗逸逸唔肯坐BB椅,結果又是要黏住我~
我們點了一份”經典尋新四十載”套餐+一客主菜SHARE來吃。
頭盤是中式薄罉配煙燻手撕豬肩肉 – 汁料好惹味。
湯品是龍蝦碗仔素翅 – 味道不過不失,沒有驚喜,龍蝦都OK爽口既。
主菜二選一,我們選了燴牛仔面頰肉配煎腸粉 – 牛仔面頰肉超好吃,肉質軟腍汁料美味,至於腸粉也煎得香脆,逸逸自己一個食左兩條腸粉+一條露筍。
甜品拼盤好大堆頭,分別有麥芽糖配雲呢拿雪糕、黑菌蜜糖馬仔及金箔桂花大菜糕,味道一般,好處是逸逸可以食士多啤梨。
套餐還包一杯黑牛特飲,我們兩個人SHARE食就剛剛好,恆仔飲黑牛,我就食甜品拼盤的雪糕,如果一個人食的話兩球雪糕好似多左D。
另外單點的主菜選了這個啖啖肉PIZZA,以燒鴨,烤雞、金門火腿和極黑豬柳為餡料,果然啖啖肉,不過卻吃不出自己吃了什麼肉。
燈汁是生日禮遇的COUPON,成為了我的飲品。
點菜後恆仔預備逸逸的午餐時我帶逸逸出黎睇企鵝
恆仔食飽之後又帶逸逸出去睇企鵝,等我可以安心食野
上次晚上來企鵝餐廳,可能企鵝都在休息,所以以為企鵝餐廳只能在又斜又遠的角度觀賞企鵝,今次下午過來,原來企鵝時會游水過來餐廳的玻璃前,所以對於企鵝痴的我來說絕對看得不亦樂乎呢﹗
食物不錯,坐得舒服,又有企鵝睇,加上生日全單有八折優惠,真係無理由唔係度食LUNCH。
食完午餐又再繼續行程,時間有限,我們要目標為本。
先去熱帶雨林探險徑探下恆仔最鐘意的侏狨
之後再去睇恆仔都好鐘意的水母
逸逸繼續叻叻唔驚,仲睇得好專注添~
為左彌補坐吊車上山時逸逸瞓左,我地再次坐吊車落山,逸逸一見到大海就”嘩”左一聲,好攪笑。
落山之後去左以前未有逸逸之前唔會點去的威威天地(明明以前叫做兒童王國)
玩左小型摩天輪 – 昇空奇遇
以及砵砵火車頭
其實係想俾逸逸試玩定係我想玩呢?
其實我比較想同威威司令影相的,可惜只有金魚小姐俏魚姬。
本來諗住去埋海洋奇觀就走,點知竟然要排隊入場而且仲好長龍添,所以我們就決定離開,離開前俾兩個海洋公園的職員捉住影相。
幫我地影左依張靚靚全家福。
因為職員同時用了專業機幫我們影相,本來我打算如果影到逸逸笑的話就無論幾多錢都幫佢買,可惜逸逸沒有笑笑;我又想起生日禮遇COUPON買相有優惠,看看COUPON發現買滿$200有八折,點知張相$198,仲要無得加錢加大個PACKAGE,感覺上即係唔想俾節扣,所以最後就無買相了。
可以一家人遊海洋公園,真的好開心呢﹗
趁生日遊海洋公園,也是個不錯的選擇,難得是有多重優惠,其實照片也有多些折扣,一定吸引更多遊客惠顧。
65歲或以上去海洋公園入場免費,乘搭公共交通工具又只是$2,下年開始你們要去多d~